Мен, Елшибаева Айжан Ибадуллаевна 1974 жылдың 11 қазанында ОҚО, Шымкент қаласы, Абай ауданында дүниеге келдім. Әкем Елшибаев Ибадулла МАИ қызметкері болған. Анам Рысқұлова Әтіркүл 41 жыл ұстаздық қызмет еткен, зейнеткер. Отбасында 4  қыз, 1 ұл тәрбиелендік. Бауырларым жоғары білімді азаматтар. 1981-1991 жылдары қаладағы №26 Жамбыл атындағы орта мектепте білім алдым. 1991-1995 жылдары Қ.А.Яссауи атындағы Халықаралық қазақ-түрік университетінде қазақ тілі мен әдебиеті факультетін бітірдім.